Nesër pritet të hyjë në fuqi Kushtetuta e Republikës së Kosovës. Institucionet e vendit presin të marrin mbi vete përgjegjësitë që deri tash i ushtronte administrata e Kombeve të Bashkuara që pritet të riorganizohet në pajtim me zhvillimet politike në Kosovë.
Hyrja në fuqi e Kushtetutës kundërshtohet nga përfaqësuesit e serbëve të cilët nuk janë pajtuar me shpalljen e pavarësisë së Kosovës e cila deri tani është njohur nga më shumë se 40 vende të botës.