Një zyrtar i Komisionit Qëndror të Zgjedhjeve të Rusisë tha se ish kryeministri Mihail Kasjanov nuk duhet të lejohet të kandidojë në zgjedhjet presidenciale të marsit.
Sekretari i këtij komisioni njoftoi sot se kërkesa e zotit Kasjanov për t’u regjistruar si kandidat nuk është e vlefshme sepse përmban dhjetra mijëra firma të fallsifikuara. Kandidatët e pavarur duhet të grumbullojnë të paktën 2 milion firma nga përkrahësit e tyre në gjithë vendin.
Ky komision pritet të marrë vendimin përfundimtar deri të dielën.
Ish kryeministri rus tha se do të luftojë kundër këtyre akuzave, madje i akuzoi autoritetet e Kremlinit për frikësim në mënyrë që ta bllokojë opozitën të jetë në gjendje të përdorë mjetet e shtypit.
Zoti Kasjanov ishte kryeministër gjatë mandatit të parë të presidentit Vladimir Putin, por u shkarkua dhe më vonë filloi të kritikonte Kremlinin.
Presidenti Putin, në bazë të kushtetutës, nuk lejohet të kandidojë për një mandat të tretë. (ze)