Lidhje

 
Shkodër, arrestohen 12 pjesëtarë të grupit kriminal që kultivonte bimë narkotike

Shkodër, arrestohen 12 pjesëtarë të grupit kriminal që kultivonte bimë narkotike


kanabis
kanabis

Në Shkodër, 12 pjesëtarë të një grupi të stukturuar kriminal, i cili merrej me kultivimin e bimëve narkotike, u arrestuan nga forcat e policisë gjatë operacionit të koduar policor “Oblika”.

Ndaj 10 prej tyre Gjykata e Posaçme e Shkallës së Parë për Korrupsionin dhe Krimin e Organizuar ka vendosur masën e sigurisë “Arrest në burg”, ndërsa për dy të tjerë “Arrest në shtëpi”.

Të arrestuarit janë banorë të Shkodrës, Malësisë së Madhe dhe Tiranës. Prokuroria e Posaçme kundër Korrupsionit dhe Krimit të Organizuar (SPAK) përmes një njoftimi bëri të ditur se hetimi dhe procesimi penal i këtij grupi lidhet me dy ngjarje kriminale të vitit 2022; njëra në Njësinë Administrative te Oblikës, ku policia zbuloi rreth 246 kilogram kanabis dhe asgjësoi 32 mijë bimë narkotike dhe tjetra në Njësinë Administrative Rrethina, ku në një banesë u gjetën 86 kilogrampë lëndë narkotike dhe disa gra që punonin.

12 të arrestuarit akuzohen për kryerjen e veprave penale “Kultivimi i bimëve narkotike”, “Prodhimi dhe shitja e narkotikëve”, në formën e bashkëpunimit atë të grupit të strukturuar kriminal, “Grup i strukturuar kriminal” dhe “Kryerja e veprave penale nga organizata kriminale dhe grupi i strukturuar kriminal”.

Ky është grupi i parë, i kultivuesve të bimëve narkotike, që arrestohet në rajonin e Shkodrës, rajon ky që cilësohet si zona me shtrirjen më të gjërë të kultivimit të bimëve narkotike.

Prej disa muajsh, në këtë zonë, forcat e policisë, të mbështetura me dronë dhe helikopterë, po zhvillojnë operacionin e koduar “Alpe të Pastra “ dhe “Territor i pastër”, duke asgjësuar mijëra bimë narkotike.

XS
SM
MD
LG