Bisedë me një të mbijetuar dhe një mjeke për kancerin e gjirit

Kanceri i gjirit është lloji më i përhapur dhe më vdekjeprurës i kancerit për gratë në gjithë botën, duke prekur 2.1 milionë gra çdo vit. Sipas Organizatës Botërore të Shëndetësisë, në vitin 2018, 627 mijë gra vdiqën nga kanceri i gjirit. Në Shtetet e Bashkuara, një ndër tetë gra do të preken nga kanceri i gjirit. Në Shqipëri, në vitin 2018 pati 708 raste të reja të sëmundjes, ndërsa në Kosovë këtë vit nga janari deri në korrik janë regjistruar 211. Falë parandalimit dhe kurave, vdekshmëria nga kjo sëmundje ka rënë ndjeshëm. Tetori ishte muaji i ndërgjegjësimit për kancerin e gjirit dhe në këtë kuadër një organizatë e re shqiptaro-amerikane për mbështetjen e të sëmurëve me kancer po mban një aktivitet sot në Boston. Kolegia Keida Kostreci bisedoi këtë javë me dy anëtare të kësaj organizate, të mbijetuarën nga kanceri i gjirit, Vjollca Avrami dhe mjeken Albana Bufi Mihali të cilat folën nga Bostoni: