Në Kosovë, 17 vite pas përfundimit të luftës ende mbetet e hapur çështja e përdhunimeve të grave dhe vajzave gjatë periudhës së 1998-1999 nga forcat serbe. Në një bisedë për Zërin e Amerikës, gazetarja dhe publicistja Sanije Gashi trajton këtë temë për të cilën ka botuar edhe në librin e saj, që tashmë është publikuar edhe në gjuhën angleze. Ajo thotë se këto tema duhet të dëgjohen nga e gjithë bota.