Në Shqipëri, kryebashkiaku i Tiranës Erion Veliaj u thirr sot për here të parë nga SPAK-u në kuadër të hetimeve që po zhvillohen për inceneratorin e Tiranës. Prej shumë kohësh zoti Veliaj është vënë në qendër të akuzave të opozitës, e cila e konsideron atë si personin kyç në rastin e inceneratorit të Tiranës. Dëshmi të reja në gjyqin penal ndaj ish-Presidentit Donald Trump në Nju Jork. Seanca këtë javë nisi me gjobitjen e zotit Trump, me 9 mijë dollarë, për shkeljen 9 herë të urdhrit të gjykatës, që ndalon sulmet ndaj dëshmitarëve e punonjësve të saj. Përshkallëzohen protestat kundër luftës në Gazë, në universitetet amerikane. Disa studentë hebrenj thonë se protestat janë kthyer në antisemitizëm.