Qindra serbë morën pjesë sot në manifestimet në Gazimestan dhe Graçanicë afër Prishtinës me rastin e 625 vjetorit të Betejës mesjetare të Kosovës. Në manifestime ishte edhe presidenti i Serbisë Tomislav Nikoliç, i cili përsëriti qëndrimin kundër pavarësisë së Kosovës por në favor të bisedimeve për normalizimin e marrëdhënieve ndërmjet të dyja vendeve. Siç njofton korrespondenti ynë Besim Abazi, fjalimi i tij në Gazimestan u ndërpre nga akuzat për tradhti që i bënë atij disa nga pjesëmarrësit.
