Në Malësi të Madhe u inaugurua Parku Natyror Rajonal i Shkrelit, i cilësuar si Porta e Alpeve Shqiptare. Ai është një nga dy parqet natyrorë rajonalë, krijuar në Veri të Shqipërisë në saje të bashkëpunimit mes komuniteteve lokale dhe projektit “CABRA” të Programit Gjerman për Bashkëpunim Ndërkombëtar, GIZ. Krijimi i Parkut Natyror Rajonal të Shkrelit pritet t’i shërbejë ruajtjes dhe mbrotjes së biodiversitetit dhe zhvillimit të bujqësisë dhe turizmit malor.